شهادة عدم الانتساب casnos

شهادة عدم الانتساب casnos : عدم الانتساب يعني غير منتسب جيبو هذي هي تسوية وضعية cnas تاع طريق البرج او casnos تاع لي ورا بنك الخارجي 206
شوفو جماعة لازم تحبسو لاصيرونس تاعكم لشتى خدمتو نهار وتسوريتو وبطلتو عند مقاول ولا مؤسسة ولا قريتو تكوين وخلصتو ولا معهد ولا جامعة وحبستو مش بعد عشر سنين تلقاو رواحكم مسوريين تحيرو لي انو لاصيرونس عندها عفسة ماتقدرش اتوماتيكمو رايحة تحبس الناس كون ماديكلاريش يعني تروحو تدو كارطة تاعكم وتسقسو في لاصيرونس بحثو مزالت تمشي ولا لا روحو حبسوها هذا واش نقلكم انا نعرف واحد كان صغير يخدم عند مقاول بطل قعدت لا سيرونس تمشيلو بعد ما ولا في عمرو خمسين سنة بالسبة لقفة تسوية وضعية رايح يحبسها لقاه تسالو عشرين مليون كاصنوص هذي عندها عامين وعلاه

أيام قليلة ويتم تعاقد مصالح CNAS و CASNOS مع الأطباء الخواص …يعني كي تحب دير فحص عند مختص تدي بطاقة الشفاء تاعك فقط متخلصو ما والو …كما راهم دايرين في الصيدليات حاليا

ماعندنا ما شفنا من CASNOS هذي لا خدمات في المستوى لا جديد لا تعويضات بمعنى الكلمة لا والو. واحد مريض بالقلب مايعطوشو 100ب100 والله تبقى حاير في الطبيب تاعهم تاع المراقبة كيفاه يخمم ، femme au foyer et allocations familiales ماكانش وعلاه الحڨرة هذي ، الاستقبال عندهم أسمحلي، تحسب CASNOS رزقهم ، والغاشي لي يخدم فالCasnos أكثر من المؤمنين بلا غير فايدة ،التسهيلات منعدمة تمام و أخيرا le caissier نحسبو هو المدير العام التشناف و زيد الڨدام. تكوتيزي 30 عام يعطوك 900 ألف هذه هي CASNOS . لازم تغيير جدري في العقليات تاع عمال هذا الصندوق CASNOS و لازم يبدلو المسؤولين من مكان الى أخر و لازم مراقبة عمال CASNOS عند الدخول و الخروج من العمل ، الدنيا راهي هاملة. كاين لي يبوانتي الصباح و من بعد ما تزيدش تشوفو يكوفرو في بعضاهم و كاين و كاين. نهار لي يحطو دفتر الشكاوي نهدرو. الله المستعان.
« إن الله يحب أحدكم إذا عمل عملا أن يتقنه »