التسجيل في الثالثة اعدادي حرة 2024
التسجيل في الثالثة اعدادي احرار 2024
بـاش تسجيل في التاسعة حرة 2024 ها هما الوثائق المطلوبة و الإجراءات اللي خاص تقوم بيها
أولا: تسنى حتى يتحل الموقع ديال التسجيل غايبدا في شهر 12
و تسجل راسك أو تمشي لشي مكتبة أو سيبير ويسجلوك
غادي يخرجو ليك واحد الإلتزام + ورقة اخرى فيها معلوماتك الشخصية
غادي تدي داك الالتزام تݣاليزيه في الجماعة أو المقاطعة
ثانيا: غادي تجيب ملف الترشح ديال الثالثة اعدادي احرار من النيابة أو تشريه من المكتبة أو غادي تملئ فيه المعلومات ديالك وغاتمشي للمؤوسسة اللي كنتي كاتقرا فيها (الكوليج) غادي يعمرو ليك فيه شهادة الانقطاع وخودي من عندهم شهادة مدرسية
وغاتمشي للجماعة أو المقاطعة يعمرو ليك فيه المكان المخصص لعقد الإزدياد.
+ شهادة السكنى (في حالة غادفع فشي عنوان مغاير للعنوان لعندك في البطاقة الوطنية)
+ 2 أو 4 أظرفة متنبرة (على حسب الجهات) تحمل إسم وعنوان المترشح
+صورة واحدة
+ نسخة من البطاقة الوطنية
جمع كلشي وسير دفعو في النيابة و ها انت تسجلتي 
بالنسبة لوتائق التسجيل في الثالثة اعدادي حرة 2024 هما هادو
4 أضرفة متنبرة حاملة للعنوان والاسم الكامل ديالك
خاصكي تعمري شهادة الانقطاع من الكوليج فاش قريتي
5صورة فوتو غراف
وفوطوكوبي د لكارط
اما ناس لي مزال ماصوبو بطاقة الوطنية يكفي فقط عقد الازدياد غادي تعمريه في المقاطعة ديالكم وغادي تكاليزي داك الالتزام …ختي الملف خاصكي تجيبيه من المكتبة والا مالقيتيهش فالمكتبة غادي تلقايه فالنيابة
اوراق التسجيل باش تسجلتي في سيبير ضروري ديها معاك للنيابة …
الناس لتسولوني واش ضروري انا نمشي بنفسي ندفع ولا ممكن يدفع لي شي واحد بلاصتي ? ايه ممكن يدفع ليك ابوك او مك او اخوك
Related Posts
الجدولة الزمنية للامتحان الموحد المحلي للسنة الثالثة إعدادي 2024 -...