الرجاء الرياضي يطرح بطاقة الأداء RajaConnect ولكن شنو الفائدة ديالها ؟
هاد البطاقة قادرة أنها تساهم فمداخيل كبيرة للنادي من خلالنا حنا و الطريقة ساهلة وكتبسيط مثلا مشيت عند محل تجاري شريك للرجاء وشريت شيحاجة القيمة ديالها 50 درهم وخلصت ببطاقة الأداء فمن ديك 50 درهم كاترجع ليا 5 دراهم و الرجاء كاتربح معايا 5 دراهم وهاد الأرقام كاتغير من شريك لأخر كاين اللي كايعطي أكثر واللي أقل.
مثال آخر خلصتي فاتورة من تطبيق DamaneCash كيف ما بغات تكون القيمة ديالها كاتستافد معاك الرجاء 3 دراهم فكل فاتورة يعني عوض ماتخلصها فبلايص اخرين بدون ذكر الأسماء ممكن تربح فرقتك معاك ونتا ماخاسر والو.
هاد البطاقة كاتتوفر على عدة مزايا الميزة الأولى وهي حساب مجاني مدى الحياة خالي من أي رسوم أو اقتطاعات يكفي أنك تشري لاكارط بمبلغ 199 درهم و فديك اللحظة كايمكن ليك العمل بها مع تفعيل حساب DamaneCash واللي كايتوفر على مزايا كثيرة منها أداء الفواتير ( كهرماء-انترنت-جواز…).
ميزة أخرى وهي كاتولي من أوفياء النادي واللي غاتستافد من هدايا (الحضور لمركز التداريب-تذاكر مجانية-رحلات-أقمصة النادي الرسمية…)
هذا شرح مبسط للبطاقة الجديدة اللي حطاتها إدارة النادي واللي الجمهور و النادي غايكونو أكبر المستفيدين، الجمهور الإستفادة من خصومات مادية و هدايا تحفيزية، النادي غايستافد ويكونو عندو مداخيل مادية مهمة غاتساهم بزاااف فالانتدابات و ماتخلليش النادي يعول على سبونسورات ديال 200 مليون يعني القيمة غاتضاعف أكثر فاش غايوللي النادي عندو واحد موارد مالية من بطاقة RajaConnect.
وبإمكان الجمهور الرجاوي متابعة المشروع وشحال دخلات الرجاء منو و حتى ترتيب الجمهور الأكثر التزاما مع النادي هادشي عن طريق تطبيق النادي RajaConnect أو موقع Raja Connect – Bourse.
Related Posts
كشفت الجامعة الملكية المغربية لكرة القدم، اليوم الأربعاء (15 فبراير)،...