شرح التسجيل في مدن المهن و الكفاءات cmc 2024

هوا إختصار ل ( cité des métiers et compétences) لي كتعني مدن المهن و الكفاءات ، و هي معاهد تكوينة تابعة ل ofppt، و هي الجيل الجديد ديال المعاهد التكوينية في المغرب بل هي الأفضل لحد ساعة من حيث البنية التحتية و الخدمات، تعطات الإنطلاقة تاع البناء تاعها بأمر مباشر من جلالة الملك و تحت لإشراف تاعو، و عطا امر باش يتم بناء 12 cmc في المغرب ، بمعدل cmc لكل جهة من جهات المغرب.
حاليا cmc لي بدات فيهم القراية هوما :

و كاينة ديال جهة طنجة تطوان الحسيمة (طنجة) و جهة الدارالبيضاء سطات (نواصر) و جهة خنيفرة بني ملال (بني ملال) هادو فتحو تسجال العام لي فات و ناس تسجلو و دفعو الوثائق تاعهمو و لكن باقي مطلقوش الدورة التكوينة حتال هاد لعام إنشاء الله ، أنا بالنسبة لتاع جهة الداخلة واد الذهب الذهب (الداخلة) و تاع مراكش أسفي (تامنصورت) و تاع فاس مكناس.  ( راه شبه مكتملة و لكن باقي مكين حتى خبار على إفتتاح التسجيل و حتى الى تفتح راه غالبا غادي يدرو ليكم بحال لي قبل مغاديش تقراو هاذ لعام و خاة دفعو ليهم) .
2- كفاش دايرة دراسة فيها ؟: دراسة كيف قلنا بحالها بحال معاهد التكوين التابعة ل ofppt، كتقرا فيها عامين من بعد كتحصل على ديبلوم في التخصص ديالك ، على حسب المستوى لي دفعتي ليه.

-كاين مستوى التخصص (spécialisation): هاد المستوى كيدفعو ليه لي عندهم نيفو سادس ابتدائي (تخصصات فيه محدودة بزااف) ، كيقرا فيها الشخص عاماين و كيصحل على ديبلوم بمستوى تخصص.
-كاين مستوى تأهيل (Qualification): هاد المستوى كيدفعو ليه ناس لي عندهم نيفو ثالثة إعدادي (التاسعة) أو الحاصلين على دبلوم التخصص، كيقرا الشخص عاماين و كيحصل على ديبلوم تأهيل ،
– كاين مستوى تقني (technicien): هاد المستوى كيدفعو ليه الناس لي عندهم نيفو باك و لا ناس لي خداو ديبلوم تأهيل ، كيقرا الشخص عامين و كياخد ديبلوم تاعو ،
– و كاين مستوى تقني متخصص (technicien spécialisé): هاد المستوى هوا أعلى درجة تكوينة في جميع معاهد التكوين، و هوا الأكثر طلبا في سوق الشغل و هوا لي فيه أغلب التخصصات و أفضلها، كيدفعو ليه ناس لي عندهم الباك سوا كان باك جديد ولا قديم ، شرط ميفوتش لعمر تاعك 30 سنة، اما بالنسبة لنوع الباك و الشعبة تاعو راه كيبقا داكشي على حساب التخصصات كل تخصص و شنو نوع تاع لباك لي كيطلبو ليه، كتقرا حتى هوا عامين و كاتخد ديبلوم ديال تقني متخصص في المجال تاعك، لي بيه تقدر تدخل لسوق الشغل

فرق كي قلنا في الطريقة تاع التكوين ، cmc واحد الجيل جديد تاع معاهد التكوين لي زايد فيها بزاف ديال الحوايج.
اول حاجة البنية التحتية لي بكل صارحة هربااااانة بجهد، وراه تصاور لي تحت شوفو كفاش دايرين اللهم بارك.
ثاني حاجة الاطر لي كيكونوكم كي كونو على أعلى مستوى على حساب ما قالو ليا شي دراري لي كيقراو تما.
ثالث حاجة مافيهاش غير تخصص واحد و إنما مجموعة تاع التخصصات فراه في cmc وحدة كتلقا مثلا قطب الصحة ، و قطب الصناعة ، و قطب الفلاحة ، وقطب المعلومويات و قطب الصيد البحري إلى آخره ، و كل قطب فيه مجموعة من التخصصات دياولو مقسمين على المستويات التكوينية لي سبق لينا قلنا.

رابع حاجة الفضاءات البيداغوجية لي كتوفرهم المؤسسة للمتدربين تاعها بحال مثلا صحاب الفندقة دايرين ليهم فندق صغير باش يبراتيكو فيه ، بحال صحاب الطبخ دايرين ليهم مطبخ فاش يتدربو ، بحال صحاب الفلاحة دايرين ليهم مزرعة فاش يتدبو و يتعلومو وووو ، وكل تخصص دايرين ليه فين يبراتيكي داكشي لي قراه و داكشي راه مجهز بأجهزة على أعلى مستوى (كيفا كيوضحو تصاور لي لتحت)،

خامس حاجة الفضاءات المشتركة بين المتدربين بحال مكتبة كتحتوي على مجموعة من الكتب في كاع التخصصات و متاحة في أي وقت، فضاء للمطالعة، مركز تعلم اللغات (فرنسية، إنجليزية، إسبانية) و الكفاءات الذاتية، مركز للتوجيه الوظيفي يعني كتقرا و كتعرف راسك فاش ممكن تخدم من بعد كاين ناس لمتاحين و كتسولهم في اي حاجة بخصوص التخصص تاعك و الأفاق و شنو ممكن دير باش طور من راسك في المجال تاعك، لمهم كاين شلااا راه تصاور فيهم كلشي ، و هاذا راه فيديو في يوتيوب تاع cmc سوس ماسة شوفوه ملي تسالي لقراية تاع هادشي ، باش تاخد فكرة،

سادس حاجة الفضاءات المعيشية، حيث كيتوفرو جميع مهدن المهن و الكفاءات على داخلية للطلبة لي بعاد (ماشي كلشي بطبيعة الحال فاش كتبدا لقراية ، كيعطوك شي وراق كتجمعهم و كدفع و كتسنا واش يقبلوك ولا لا)، في الداخلية كيوفرو ليك غرفة مشتركة بين 3 حتال اربعة متدربين ، سرير و مكتب لكل متدرب و دوش و مرخاض مشترك، و وجباتك الغذائية اليومية (الداخلية ماشي مجانية، إلى تقبلتي فراه كتخلص 2000 درهم في العام بمعدل 200 درهم للشهر ) ، بالإضافة إلى ملاعب رياضية ، و هادشي كي قلت راه فجميع cmc لي كاينين في المغرب لي مفتوحين حاليا و حتى لي مزال متفتحوش.

5- شنوهوما التخصصات لي فيها؟: تخصصات لي فيها بزاااااااف (حتى تقلبو عليهم) مقصمين على 13 قطب، كاين قطب الصناعة، قطب الصحة، قطب الرقمنة و الذكاء الإصطناعي، قطب التسيير و التجارة، قطب الصناعة الفلاحية، قطب السياحة و الفندقة و الطبخ، قطب النقل و اللوجستيك، قطب الصناعة التقليدية، قطب الفلاحة، قطب الصيد البحري، قطب البناء و الأشغال العمومية، قطب خدمات الأشخاص (العمل الإجتماعي)، و قطب الفن و صناعة الغرافيك، كل قطب من هاذو كيضم مجموعة ديال التخصصات موزعين على جيميع المستويات (كل تخصص وشنو الشعب لي كيدفعو ليه)، بالطبعية الحال كل cmc فيها شي أقطاب و شي أقطاب لا و شي تخصصات و تخصاصات لا.

6- بزاف منكم كيحير في التخصصات لي يدفع ليهم و مكيكونش عارف اشنو يدير، أولا حاجة خاصك تشوف النقطة تاعك و الشعبة تاعك واش غادين يأهلوك باش تقبل فداك التخصص، ثاني حاجة تقلب مزيان في يوتوب و غواك على التخصص لي بان ليك موالمك راه غير كتب في غوغل (ماهو تخصص ….؟) زيد سنية تاع تخصص لي عاجبك غادي يطلعو ليك شنو لمهام تاعو، أولا دخل ل MYWAY واحد الموقع دايال ofppt كدخل ليه و كتفتح معاهم حساب تاعك، و كتجاوب على واحد 70 سؤال كيعطوه ليك (اسئلة نفسية و خاصك تجاوب بمصداقية ) و في الآخر هوا كيقتارح عليك التخصصات لي كناسبو البروفيل تاعك و غالبا غادي تلقا شي شعبة لي عاجباك، الموقع هوا هذا :

www.myway.ac.ma

هادشي لي كاين إلى بقا شي سؤال خليوه في كمنطير راه دراري و لا دريات لي عارفين غادين يجابوكم، و البتوفيق للجميع.